Magacu Habar Jecle ma aanu ahayn

November 1, 2012

Habar Awal, waxa loogu yeedhaa: Awal
Habar Garxajis, waxa loogu yeehdaa: Garxajis
Habar Toljecle, waxa loogu yeedhaa: Toljecle

Waxa kale oo aan ognahay, in buug kasta, ama qoraal kasta, oo taariikhdii beelahan kor ku xusan wax lagaga qorey, inay magacyada beelahaasi ay labadaas qaab midkood, inay u diiwaangashanyihiin.

Haddaba beesha in Habar Toljecle (Toljecle) la odhanjirey waxa u dalliil ah:

Kow:-

b) Diiwaankan lagu ururiyay magacyada qabaa’ilka Afrika, ayaa lagu sheegey inuu magaca beeshu uu yahay: Habar Toljecle; oo marka magaceeda la soo gaabiyana uu yahay: Toljecle.

 t) Gabey uu Dirir Warsame  (Habar Toljecle) uu qarnigii 19aad uu tiriyey, aya'ay ku jirtey:

Toljecluhu ninkii maag is yidhi, waa muslimiyaaye
Mijahaa Isaaq siman yahee, muruq u roonaaye

Laba:

b) Qoraalkan ku lambaraysan (IOR/R/20/A/3601) ee ku taariikhaysan (1933), aya'u Xaaji Faarax Oomaar uu ku diiwaangashanyahay: Habar Toljecle  - Xasan Daahir.

t) Qoraalkan ku taariikhaysan (1st June, 1953), ayaa isagana lagu sheegey in uu Caaqil Jaama Maxamuud uu yahay caaqilka beesha Habar Toljecle.

j) Buuggan ku taariikhaysan qarnigii 19aad, waxa ku qoran Mohammed Jibril oo ah: Habar Toljecle  -  Muuse Abokor.

x) Taariikhda qoran ee Somaliland, ee uu buuggan (Official history of the operations in Somaliland, 1909-04) uu ka midka yahay, oo iyagu'na beelaha Somaliland si mug leh u kala qaadqaadaya, ayaa iyagu'na dhammaantood inoo xaqiijinaya inuu magaca beeshani uu yahay: Habar Toljecle.

Kh) Doorashadii Somaliland ka dhacdey (Feb.1960) ee baarlamaanka, ayaa iyadu'na ka marag ah inuu magaca beesha u diiwaangashanaa, ee doorashadii ay ku gashey'i uu Habar Toljecle yahay. Eeg (shaxda 6aad ee bogga (545),

d) Dhammaan shirar beeleedyadii dib-u-heshiisiinta ee beelaha bariga Somaliland, ee 1992kii ilaa 1993kii, waxa beeshu ay kaga qeyb gashey magaca: Habar Toljecle.

Suldaan Cabdillaahi Cali, oo shirkaas ( Ceerigaabo) beesha uga qeyb galey, waxa u qoran oo uu ku saxeexey: Habar Toljecle (Gar-adag).

Saddex:

Xildhibaannadii Somaliland ee 1960kii, ayaa iyaga'na xildhibaan kasta, magaciisa iyo beeshiisa la diiwaangaliyey. Sidaas darteed, waa kuwan xildhibaannadii beeshu:

Salaan Carrabey, ayaa isagu'na yidhi:

Colkan Habar Toljecle loola dudi, daw kalaw furane
Allaw yaa caruurahan durdurin, kala dillaameeya.

Maxamed Sheekh Daahir
sheekhdaahir@yahoo.com

* Afarta xildhibaan, saddex waxa ay ku diiwaangashanyihiin: Habar Toljecle. Ciise Jaamac Maxamuud (Habar Toljecle), waxa isaga'na lagu diiwaangaliyey: Toljecle.

Taasi waxa ay marag u tahay, in beeshan Habar Jecle, marna Habar Toljecle loogu yeedhi'jirey, marna Toljecle loogu yeedhi'jirey.